Certo.es

Premio_poesía_2010

Luís Valle Regueiro, gañador do "Eusebio Lorenzo Baleirón" de poesía,

que neste 2010 chega á súa XXIII edición

Instantánea dun momento da deliberación do xurado na casa de cultura de Dodro

Dodro, 12 de decembro de 2010. Onte fallouse o premio "Eusebio Lorenzo Baleirón" en Dodro. Reproducímoslles íntegra a acta do xurado:

"No día de hoxe, 11 de decembro de 2010, tivo lugar o fallo do Premio de Poesia Eusebio Lorenzo Baleirón, por parte do xurado composto por:

Presidente: don Arturo Díaz Díaz, Alcalde do Concello de Dodro.

Vocal primeira: dona Ánxeles Penas, poeta e tradutora de Eusebio Lorenzo Baleirón.

Vocal segundo: don Modesto Fraga Moure, poeta.

Vocal terceira: dona Dolores Vilavedra, profesora da USC e crítica literaria.

Vocal cuarto: don Daniel Costas, gañador do certame do ano 2009.

Secretaria: dona Victoria Rei Mariño, tenenta de alcalde con delegación na Área de Cultura.

Acordan, previa deliberación do xurado, outorgar por unanimidade o premio ao seguinte traballo: ao libro presentado baixo o lema “Palabras e palabras e palabras”. Aberta a plica resultou ser da autoría de Luís Valle Regueiro. A obra titúlase "Fedor".

O xurado destacou a profundidade temática, a orixinalidade das imaxes, a musicalidade e un impecable coidado da lingua. Salienta tamén a calidade en xeral das obras presentadas, así como o elevado número, o que destaca a importancia que este Certame ten no ámbito da literatura galega.

Para que conste a todos os efectos, asinan acta o sábado 11 de decembro de 2010".

Composición do xurado

    Presidente: don Arturo Díaz Díaz, Alcalde do Concello de Dodro.
    Vogal primeira: dona Ánxeles Penas, poeta e tradutora de Eusebio Lorenzo Baleirón.
    Vogal segundo: don Modesto Fraga Moure, poeta.
    Vogal terceira: dona Dolores Vilavedra, profesora da USC e crítica literaria.
    Vogal cuarto: don Daniel Costas, gañador do certame do ano 2009.
    Secretaria: dona Victoria Rei Mariño, tenenta de alcalde con delegación na Área de Cultura..

Os integrantes do xurado fixeron logo unha visita á tumba do poeta que da nome a este premio, Euseo Lorenzo Baleirón, no cemiterio dodrense.