Aquela científica fíxose de ouro cos transxénicos. A muller tiña vista e atopou un filón: facer xoguetes sexuais mudando as froitas. Colleu a onda dos ecoloxistas, que andaban a denunciar que os dildos sexuais estaban feitos de pvc contaminante e, lista coma un allo, trocou o xen do plátano: desactivou as celulasas e pectinasas para que non perdera consistencia, activou penoloxidasas para gañar resistencia.

    -Qué bo!!, dixo ela en canto probou o seu descubrimento, que non tardou en patentar.

    Non era comestible pero facía as outras funcións que daba gloria.

    Mutou o cabaciño, dándolle á pel un lixeiro troque de textura.

    - Mmmhh, moi agradable!, dixo ela.

    Mutou a espiga do millo, eliminando os peliños da punta e facéndolle o mango máis longo para mellor agarralo.

    - Qué sensacións!!

    Mutou o cogombro, dándolle forza suficiente para que se puidera quentar no microondas e non perdese a textura ao usalo quentiño. Mutou as cenouras, aquí os resultados foron abraiantes: cuspidiñas a aquilo!!

    - Qué divertido, dicía a estudosa científica coa súa bata, coas súas lentes.

    Non tiña acougo a licenciada: mesmo mudou as berenxenas para os amantes do hard-core.

    A caralluda científica fíxose de ouro, e, aínda por riba, pasouno de medo a muller.

Todas as pezas de Susana Moo en Certo, aquí